Hugsmiðjan - Karlaklefinn

Safaríkar ljósmyndir

Wed, 20 Mar 2019 16:44:00 +0000

Karlaklefinn fjallar ekki bara um krabbamein, heldur líka um forvarnir og leiðir til betri almennrar heilsu.

Segja má að í þessu verkefni höfum við stigið stuttlega inn í heim glanstímarita og matreiðslubóka þegar Jóhanna hönnunarstjóri heimsótti Braga Guðmundsson matreiðslumann og tók myndir af honum töfra fram nokkra girnilega og einfalda rétti fyrir Karlaklefann.

Uppskriftirnar er að sjálfsögðu að finna í Karlaklefanum.

Karlar segja frá

Wed, 20 Mar 2019 09:36:00 +0000

Áhrifamesta efni Karlaklefans eru frásagnir karla af reynslu sinni af krabbameini. Þeir gefa innsýn í raunveruleikann að baki krabbameinsgreiningum og segja frá áföllum sínum og sigrum.

Myndir af körlunum og sögur þeirra voru viðfangsefni magnaðrar ljósmyndasýningar sem sett var upp í Kringlunni og víða um land í tengslum við Mottumars.

Viðkvæmt efni

Wed, 20 Mar 2019 09:35:00 +0000

Algengt er að karlar séu lítið fyrir langa texta, heldur vilji komast beint að kjarna málsins og drífa í hlutum (þar sem hægt er). Það er líka þekkt að eftir áfall á borð við krabbameinsgreiningu er athyglin ekki endilega upp á sitt besta og erfitt að meðtaka mikið magn upplýsinga.

Öll efnistök Karlaklefans eiga að taka mið af þessu. Reynt er að setja fram upplýsingar um flókin viðfangsefni í eins knöppu og skýru máli og hægt er. Lögð er áhersla á að endurtaka ekki upplýsingar að óþörfu, heldur vísa í ítarefni á vef Krabbameinsfélagsins og annars staðar eftir því sem við á.

Því miður eru ekki alltaf einfaldar reddingar í boði og erfitt að svara öllum spurningum í knöppum textum. „Call to action“ textar Karlaklefans hvetja því flestir til þess að haft sé samband við Ráðgjafarþjónustu Krabbameinsfélagsins sem þjónustar krabbameinssjúklinga og aðstandendur þeirra.

Upplýsingar

Wed, 20 Mar 2019 16:30:00 +0000

Karlaklefinn er ekki átaksverkefni eins og Mottumars, heldur langtímaverkefni sem ætlað er að vaxa og þróast í samstarfi við okkar mikilvægasta markhóp, karlana sem um ræðir.

Á vef Mottumars var árið 2018 var bætt við margvíslegum upplýsingum um krabbamein í blöðruhálskirtli og vefurinn varð blendingur átaksverkefnis og upplýsingaveitu. Með opnun Karlaklefans er skerpt á línum, þannig að mottumars.is snýst um átaksverkefnið en karlaklefinn.is verður lifandi upplýsingaveita.

Kynningarefni fyrir Mottumars 2019 byggir svo skemmtilegar brýr þarna á milli með því gefa innsýn inn í magnaðan karlaklefa. Auglýsingastofan Brandenburg og framleiðslufyrirtækið Republik unnu eftirminnilega sjónvarpsauglýsingu (tekna upp í næsta húsi við okkur) sem sló í gegn þegar hún var frumsýnd á lokakvöldi Söngvakeppninnar.

Karlaklefinn

Wed, 20 Mar 2019 14:23:00 +0000

Karlaklefinn er vefur fyrir karlmenn um heilsu, forvarnir og auðvitað krabbamein: Skrifaður fyrir karlmenn og aðstandendur þeirra, lausnamiðaður og vísar óhikað á aðra vefi varðandi ítarupplýsingar.

Hugmyndin að baki Karlaklefanum var mótuð í samvinnu Hugsmiðjunnar og Krabbameinsfélagsins. Hann er hugsaður sem millistig milli átaksverkefnisins Mottumars annars vegar og stóra bróður, vefs Krabbameinsfélagsins, hins vegar.

Karlaklefinn

Tue, 19 Mar 2019 09:28:00 +0000

Hönnun og upplýsingahögun
Branding
Viðmótsforritun
Efnisvinnsla
Ritstjórn
Ljósmyndun
Markaðssetning