Hugsmiðjan - KEF+

KEFplus case study

Thu, 22 Dec 2022 14:08:00 +0000

Isavia leitaði til Hugsmiðjunnar síðla sumars með það metnaðarfulla markmið að ná nýjum vef í loftið á 3 mánuðum. Í nánu samstarfi með Aton JL tókst okkur það en stefnum á enn meiri þróun vefsins á næstu misserum.

Sýnin var skýr; nýr vefur sem segir frá uppbyggingu á Keflavíkurflugvelli þar sem + (plúsinn) gegnir stóru hlutverki enda táknar hann meira rými, aukna getu og þar með enn betri þjónustu.

Afraksturinn er fágaður vefur þar sem fallegar myndir og plúsinn dansa saman og töluleg gögn grípa augað. Það er spennandi að sjá verkefnin sem eru framundan í bland við nostalgíu þegar rennt er í gegnum tímalínuna sem sýnir stækkun flugvallarins allt frá árinu 1987 þegar flugstöð Leifs Eiríkssonar var opnuð.

KEFplus

Thu, 22 Dec 2022 14:02:00 +0000

Að fá tækifæri til að vera hluti af teymi sem gefur einu stærsta byggingaverkefni Íslands fallega ásýnd var bæði skemmtilegt og fræðandi. Keflavíkurflugvöllur er heimavöllurinn okkar allra og tengir okkur við Evrópu og Norður-Ameríku. Á degi hverjum fara þúsundir farþega um völlinn og við eigum öll minningar af þessum flugvelli.

Á vefnum er okkur gefin sýn inn í framtíðina þar sem öll verkefni fyrir KEF+ eru talin upp, með myndum, myndböndum, tölulegum gögnum og upplýsingum um stöðu verkefna. Nýjar akbrautir, byggingar, töskusalur og allt hitt sem mun gera Keflavíkurflugvöll enn betri á næstu árum.

KEFplus

Thu, 22 Dec 2022 14:00:00 +0000

Keflavíkurflugvöllur er í stöðugri þróun og KEF+ er hreyfiafl allra verkefna Isavia sem tengjast uppbyggingu flugvallarins. Þróun Keflavíkurflugvallar felur í sér mikla fjárfestingu til framtíðar sem fjármögnuð er með tekjum af starfsemi flugvallarins. Hún byggir á þróunaráætlun til 25 ára þar sem sjálfbærni og hagur samfélagsins eru höfð að leiðarljósi til að tryggja ábyrga þróun Keflavíkurflugvallar fyrir alla landsmenn.

KEF+

Thu, 22 Dec 2022 13:58:00 +0000

Stafræn ásýnd
Vefhönnun
Forritun